Чеверын, Валерий Яковлевич…

Чумыр марий калык шке чолга, поро кумылан эргыжым йомдарымылан кӧра чамана. Кылме тылзын кумлымшо кечынже Параньга районын эргыже, уста журналист, амалкалче Валерий Яковлевич Очеевын шӱмжӧ вучыдымын кырымым чарнен. Тудлан 48 ий ыле.
Валерий Яковлевич 1967 ий 26 сентябрьыште Параньга районысо Олор ялеш, колхозник ешеш шочын. 1984 ийыште Олор кыдалаш школым тунем пытарен. Вара армийыште служитлен. Марий рвезым Армений марте наҥгаеныт. Шочмо эллан порысым шуктымек, верысе озанлыкыште пашам ышташ тӱҥалеш.   Continue reading «Чеверын, Валерий Яковлевич…»

Ушемын у вуйлатыше

Николай Любимов да Алексей Очеев«ВийАр» тӱвыра да келшымаш кыл ушемым Николай Любимов вуйлаташ тӱҥалеш.
Эртыше кечылаште «ВийАр» ушемын погынымашыже эртен. Тушто Алексей Очеев «ВийАр» ушемын председательже семын кум ий жапысе иктешлымашым ыштен. Варажым тӱрлӧ амал улмылан кӧра, председатель гыч кораҥмыж нерген палдарен. Ушемын председательжылан Николай Любимовым темлен.
Николайым калык «Кидшер» интернет-журналын тӱҥ редакторжо семын пала. Рвезе У Торъял район Алеево ялыште шочын-кушкын. Токтарсола школышто шинчымашым поген. 2012 ийыште Токтарсола школ пелен Россий кӱкшытан марий самырык тукымын IV слёт деч вара мер паша деке утларак шӱмаҥын. Советский районысо Ӱшнӱр школышто тунеммыж годым Николай марий калык дене палдарыше «Илыш ик гана веле пуалтеш» блогым почын. А икмыняр жап гыч тиде блог «Кидшер» интернет-журнал марте кушкын.  Continue reading «Ушемын у вуйлатыше»

«Кидшер» — марий интернет-журнал!

DSC09285+«Кидшер» интернет-журнал кокымшо ий пашам ышта. Тиде жапыште тудо шуко лудшым муын. Мутлан, Вконтакте соцсетьыште «Кидшер» тӱшка уло. Тиде группыш кызыт 1000 утла еҥ подписатлалтын. Интернет-журналын тӱҥ редакторжо – самырык рвезе Николай Любимов.
«Кидшер» журналын шочмыж нерген ӱмаште мутланенна ыле. Тунам Н.Любимов палдарен: «2012 ийыште Токтарсола школышто Российысе марий самырык тукымын слётшо эртен. Тушто марий шӱлышан ӱдыр-рвезе-влак дене па-лыме лиймеке, чонем шулдыраҥмыла лийын, калыкемлан пайдам кондымем шуын да марий блогым ышташ шонымаш лектын».
Тыге «Илыш ик гана веле пуалтеш» блогшо шочын.   Continue reading ««Кидшер» — марий интернет-журнал!»

Самырык-влак коклаште — вуйлатыше!

DEN_0953Алексей МарГУ-со физике да математике факультетыште V-ше курсышто тунемеш. Кызыт тудо диплом пашам воза, кугыжаныш экзаменым кучаш ямдылалтеш. Мер пашаште чолгалыкым ончыкта, ынде кокымшо ий самырык-влакым ушен шогышо «ВийАр» культур кокласе кыл обществым вуйлата.
Лаштыкнан тачысе унаже — Алексей Очеев.
— Ола деч тораште огыл илет. А марла моткоч сайын, яндарын мутланет.
— Кум ияш марте ме Параньга районысо Олор ялыште иленна. Ачам-авам марий улыт, сандене мӧҥгыштат, коча-ковам дене ялыштат шочмо йылме дене мутланена. Адакшым йолташ-влакат шукынжо марий улыт.
— Обществым вуйлаташ тылат ӱшанымеке, лӱдмаш шижалтын огыл?
— Тӱҥалтыште кеч-кунамат лӱдмашан. Мыят ӧрмалгенам ыле. Университетыштат, факультетыштат студенческий самоуправленийын председательжылан шотлалтынам. А ындыжым сомыл оҥай. Паша ятыр. Шонымаш шуко.  Continue reading «Самырык-влак коклаште — вуйлатыше!»

Артем Смирнов. Почеламут-влак

Артем Смирнов Курыкмарий районысо Виловат села гыч. Пеш уста, талантан рвезе. Изинек сем алан деке лишыл, скрипкам шокта. Козьмодемьянск оласе уста йоча-влаклан сымыктыш интернат школышто тунемын, варажым шинчымашыжым Йошкар-Олаште уста йоча-влакын 1-ше номеран интернат-школышто шинчымашыжым нöлтен. А кызыт И.С. Палантай лÿмеш тÿвыра да сымыкташ колледжыште тунемеш, кокымшо курсын студентше, альтым шокта.

«Сылнымут деке изинек шÿмаҥынам, 13 ияш гычак марла да рушла почеламутым возгалаш тÿҥалынам. Мыланем Н.Егоровын, В.Самойловын, В.Петуховын, А.Иванован творчествышт моткоч лишыл улыт. Мый утларакшым шочмо эл, йöратымаш нерген возгалем, философийыште вашмутым кычалаш тыршем» – палдарыш Артём. Continue reading «Артем Смирнов. Почеламут-влак»