Ушемын у вуйлатыше

Николай Любимов да Алексей Очеев«ВийАр» тӱвыра да келшымаш кыл ушемым Николай Любимов вуйлаташ тӱҥалеш.
Эртыше кечылаште «ВийАр» ушемын погынымашыже эртен. Тушто Алексей Очеев «ВийАр» ушемын председательже семын кум ий жапысе иктешлымашым ыштен. Варажым тӱрлӧ амал улмылан кӧра, председатель гыч кораҥмыж нерген палдарен. Ушемын председательжылан Николай Любимовым темлен.
Николайым калык «Кидшер» интернет-журналын тӱҥ редакторжо семын пала. Рвезе У Торъял район Алеево ялыште шочын-кушкын. Токтарсола школышто шинчымашым поген. 2012 ийыште Токтарсола школ пелен Россий кӱкшытан марий самырык тукымын IV слёт деч вара мер паша деке утларак шӱмаҥын. Советский районысо Ӱшнӱр школышто тунеммыж годым Николай марий калык дене палдарыше «Илыш ик гана веле пуалтеш» блогым почын. А икмыняр жап гыч тиде блог «Кидшер» интернет-журнал марте кушкын.  Продолжить чтение «Ушемын у вуйлатыше»

Айста, Чумбылат курыкым кумалтышлан пырля ямдылена!

21 июньышто Виче кундем Советский районысо Чумбылат курыкышто кугу марий кумалтыш лиеш.
13-14 июньышто кумылан-влакым кумалтышлан ямдылалтмаш пашашке ушнаш (кӱсотым эрыкташ, ямдылыме пашам шукташ, тӱрлӧ сомылым ышташ) ӱжына.
Лекше йодышым 8-927-877-57-49 (Галина Алексеевна) телефон номер ден йыҥгыртен, рашемден кертыда.
Кӱсотышко каяшлан картым ончашПродолжить чтение «Айста, Чумбылат курыкым кумалтышлан пырля ямдылена!»