«Мый марла ойлем» акцийыш ушныза!

Featured imageТаче йӱлашке пурышо «Мый марла ойлем» акций 29 апрельыште 17 шагатлан Йошкар-Оласе Чарла Кремльыште почылтеш. Тушко чыла кумылан-влакым пагален ӱжына! Акцийыште самырык-влаклан пӧлеклалтше сылне, ушеш кодшо программе вуча!!!
«Мый марла ойлем» акций Марий кундемын рӱдолаштыже ик тылзе шуйна. Самырыктукым кевытлашке, тунемме верлашке лектын коштыт, «Тыште марла мутланаш лиеш» наклейкым пуэдаш тӱҥалына. Тыгай акцийым республикысе район ден олалаштат, марий-влакын тӱшкан илыме кундемлаште эртараш лиеш. Тидлан, чынжымак, кумыл гына лийже! Ушныза!
Да, «Мый марла ойлем» акций ынде илышышшке пурен шуын – шым ий почела эртаралтеш. Тиде шонымашым эн ондак Культур-влак коклаште вашкылым ыштыше «ВийАр» ушемын чулымъеҥже-влак илышыш шыҥдареныт.
Жап эртыме семын Акций утларак кумдан шарла, у деч у йолташым пога, Марий Эл деч ӧрдыжкат, марий-влакын тӱшкан илыме кундемлаш, лектеш. 
Акцийым Республикысе Марий тӱвыра рӱдер эртараш полша, шийвундо полышым Марий Элысе тӱвыра, печать да калык-влакын пашашт шотышто министерстве пуа. Ты кӱлешан пашаш тыгак «ВийАр» мер ушем, «Чарласе Кремль» тӱвыра да историй комплекс, Республикысе Самырык-влакын Правительствышт – калык-влак кокласе кылым вияҥдыме шотышто группо, школышто, ссуз ден вузышто тунемше-влак ушнат.
Мемнан тӱҥ шонымашна: шочмо йылмым, калыкын культурыжым арален кодаш да умбакыже вияҥдаш.
Пайрем годым «Мый марла ойлем!» акцийын палыж-влакым – значокым, «Марла кутырыктыш» буклетым – шаркалаш тӱҥалына.
Акций сылне концерт дене мучашлалтеш. Тунам сылнымут произведений-влак йоҥгалтыт, шуко куштымаш, мурымаш лиеш, викторине вуча.

Пагален Акцийым эртарыше-влак.

Реклама

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s