Марий талешке-влакым шарналтеныт!

Марий калыкна тале да патыр еҥжым пагален да эреак жаплен моштен. Санденак тынар тошто ой – преданий ден легенде-влак – аралалт кодыныт. Калыкна нунын лӱмыштым тукым гыч тукымыш увертарен, переген толын.
Икымше гана, Марий Талешке кечым 1917 ийыште палемдыме. Тунам, Пӱрӧ олаште эртыше Икымше Пӱтынь Российысе Марий-влакын погыныштышт тиде пайрем нерген марий интеллигенций увертарен. Тыге марий ончылъеҥ-влак XX курымышто шке эртымгорныжым кумдан да кӱкшын аклен ончалыныт. 
Тӱрлӧ амаллан кӧра тиде шонымаш деч ик жаплан кораҥыныт. Лач 1991 ийыште Марий Талешке кечым угыч пайремлыме. Тидын деч вара кажне ийын Марий Талешке кечым пайремлена. Тений тиде пайрем 24-ше гана эртаралте.
Эрдене Мер Каҥашын, Марий калык конгрессын, «Саскавий» марий ӱдырамаш ушемын еҥже-влак, тӱвыра пашаеҥ-шамыч, вуйым савен, сортам чӱктеныт, пеледыш аршашым пыштеныт.
«ВийАр» тӱвыра да кыл ушемын еҥже-влак шеҥгелан кодыныт огыл, нунат пеледыш аршашым Курымашлык тул деке пыштеныт.
А кечывал деч вара Йошкар-Оласе рӱдӧ тӱвыра да каныме паркыште «Шарнымаш пушеҥге» воктене «Марий ушем» талешке-влакым шарналтен вуйым саваш погыныш. «Шарнымаш сорта» мероприятийым эртарыш.
Марий Талешке кече, Финляндий дене Эстонийыштат шке верыштым муыныт. Мутлан, Эстонийыште 29 апрельыште 17 шагатлан Таллин тошто олан театр залыштыже, Марий Талешке кече эрта. Тыште Яков Павлович Майоров-Шкетанын «Кок сӱанат пеле» пьесыже ончыкталташ тӱҥалеш. Спектакль деч вара Таллиныште Марий кас эрта. Марий касым Звенигово район гыч «Олык сем» ансамбль сӧрастараш тӱҥалеш.

Автор: Николай Любимов.
Светлана Пехметован фотожо.

Реклама

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s