«Мый марла ойлем» акций эртаралте!

Мый марла ойлем - 2015 (3)«Мый марла ойлем!»,- ик предложений да кум мут гына. А могай сылнын йоҥга!? Калыкна марла мутлана гын, йылмына аралалт кодеш. Марий йылмынам арален кодаш да вияҥден колташ манын, «Мый марла ойлем» акций ынде шымше гана эртыш.
Ты гана «Мый марла ойлем» акцийыш тӱрлӧ ийготан 100 наре еҥ ушнен. Эртен кайыше-влакланат оҥай лийын да,  нунат мероприятийыш уло кумылын ушненыт.
Организатор-влак «Мый марла ойлем!» акцийын палыже-влакым – значокым, «Руш-марий мутланымаш» буклетым да «Тыште марла мутланаш лиеш» наклейкым кучыктеныт, акций нерген каласкаленыт. Продолжить чтение ««Мый марла ойлем» акций эртаралте!»

«Мый марла ойлем» акцийыш ушныза!

Featured imageТаче йӱлашке пурышо «Мый марла ойлем» акций 29 апрельыште 17 шагатлан Йошкар-Оласе Чарла Кремльыште почылтеш. Тушко чыла кумылан-влакым пагален ӱжына! Акцийыште самырык-влаклан пӧлеклалтше сылне, ушеш кодшо программе вуча!!!
«Мый марла ойлем» акций Марий кундемын рӱдолаштыже ик тылзе шуйна. Самырыктукым кевытлашке, тунемме верлашке лектын коштыт, «Тыште марла мутланаш лиеш» наклейкым пуэдаш тӱҥалына. Тыгай акцийым республикысе район ден олалаштат, марий-влакын тӱшкан илыме кундемлаште эртараш лиеш. Тидлан, чынжымак, кумыл гына лийже! Ушныза!
Да, «Мый марла ойлем» акций ынде илышышшке пурен шуын – шым ий почела эртаралтеш. Тиде шонымашым эн ондак Культур-влак коклаште вашкылым ыштыше «ВийАр» ушемын чулымъеҥже-влак илышыш шыҥдареныт.
Жап эртыме семын Акций утларак кумдан шарла, у деч у йолташым пога, Марий Эл деч ӧрдыжкат, марий-влакын тӱшкан илыме кундемлаш, лектеш.  Продолжить чтение ««Мый марла ойлем» акцийыш ушныза!»

«Кидшер» — марий интернет-журнал!

DSC09285+«Кидшер» интернет-журнал кокымшо ий пашам ышта. Тиде жапыште тудо шуко лудшым муын. Мутлан, Вконтакте соцсетьыште «Кидшер» тӱшка уло. Тиде группыш кызыт 1000 утла еҥ подписатлалтын. Интернет-журналын тӱҥ редакторжо – самырык рвезе Николай Любимов.
«Кидшер» журналын шочмыж нерген ӱмаште мутланенна ыле. Тунам Н.Любимов палдарен: «2012 ийыште Токтарсола школышто Российысе марий самырык тукымын слётшо эртен. Тушто марий шӱлышан ӱдыр-рвезе-влак дене па-лыме лиймеке, чонем шулдыраҥмыла лийын, калыкемлан пайдам кондымем шуын да марий блогым ышташ шонымаш лектын».
Тыге «Илыш ик гана веле пуалтеш» блогшо шочын.   Продолжить чтение ««Кидшер» — марий интернет-журнал!»

Марий талешке-влакым шарналтеныт!

Марий калыкна тале да патыр еҥжым пагален да эреак жаплен моштен. Санденак тынар тошто ой – преданий ден легенде-влак – аралалт кодыныт. Калыкна нунын лӱмыштым тукым гыч тукымыш увертарен, переген толын.
Икымше гана, Марий Талешке кечым 1917 ийыште палемдыме. Тунам, Пӱрӧ олаште эртыше Икымше Пӱтынь Российысе Марий-влакын погыныштышт тиде пайрем нерген марий интеллигенций увертарен. Тыге марий ончылъеҥ-влак XX курымышто шке эртымгорныжым кумдан да кӱкшын аклен ончалыныт.  Продолжить чтение «Марий талешке-влакым шарналтеныт!»