Сылнымут идалык: Эше ик чӱчалтыш!

DSC0831319 февральыште Марий Элысе национальный президент-школ интернатыште Сылнымут идалыкым почыныт.
«ВийАр» тӱвыра кыл ушемын чолга еҥже-влакын темлымышт почеш «Сылнымут батл» таҥасымашке кум команде (туныктышо, тунемше да самырык тукым) ушнен. Кажне участникын почеламутым лудмыжым шулен колыштмо.
А нунышт В.Колумбын, М.Майнын, В.Элмарын, М.Казаковын,  В.Крыловын, В.Гороховын шочмо кундем, йылме, Кугу Отечественный сар теме-влаклан возымо произведенийыштым лудыныт. Таклан огыл лач нине темым авалтыме. 21 февральыште Шочмо йылмын тӱнямбал кечыже лийын гын, майыште Сеҥымаш кечылан 70 ий, В.Колумбын шочмыжлан 80 ий теммым палемдаш тӱҥалына.  Поэзий корныш шогалаш кумылаҥше, «Ончыко» журнал редакцийын пашаеҥже И.Попов шке возымыжым, «ВийАр» организацийым вуйлатыше А.Очеев руш поэт А.Дементьевын почеламутшым лудыныт. Кеч туныктышым колышт, кеч тунемшым – кажныже артист деч артист. Уш-акылышкышт веле огыл, чонышкышт пыштен каласкалымышт шинчывӱдымат луктын.
Кокымшо тапыр (этап) прозо дене кылдалтын. Команде-влаклан произведений гыч ужашым сылнын лудаш темлыме. А национальный президент школ-интернатын директоржо, жюри член Л.Иксанова, возымо мастарлыкыштым тергаш манын, почеламут корнылам шуяш да размержым пален налаш темлен. Теве кузе поэт-влакет шуаралтыт улмаш! Мучашлан команде-влак сылнымут викторинысе кумло йодышлан ӱчаш-ӱчаш вашештеныт. Ятырже «Марий Эл» газетын шӱдӧ ияш лӱмгечыжлан пӧлеклалтше лийын.
Залыште шинчыше икшыве-влакынат шинчымашыштым тергыме. Мер Каҥаш вуйлатышын алмаштышыже, вӱдышӧ А.Иванова «Марий Эл» газет дене кылдалтше ятыр йодышым пуэн. Тунемше-влак писын да раш вашештеныт. Южо вашмутшым «Марий Эл» газетыштак кычалыныт. Вет тудыжо кажнын кидыште лийын. Л.Иксанова рушла возымо почеламутым марлаш кусарымыжым лудын пуымеке, авторжым палаш йодын. Тунемше-влак палышт, тиде – Л.Маркелов. Чолгарак-влаклан редакцийнан лукмо календарьжым пӧлеклыме. Конкурсын кажне участникше книга пӧлек дене палемдалтын.
Сылнымут таҥасымаште келшымаш сеҥыш. Президент школ-интернатысе икшыве-влакын марий улмышт дене кугешныме кумылышт эше ик чӱчалтышлан ешаралте.
«ВийАр» тӱвыра кыл ушем ден школ-интернат сылнымут идалыкыште эше ятыр вашлиймашым, акцийым эртараш палемденыт.

Автор: Светлана Пехметова. «Марий Эл» газет гыч налме увер.
Снимкыште: «Сылнымут батл» годым.

Реклама

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s