«Книга – яллан» мыняр погалтын?

«Книга – яллан» поро кумылым ончыктышо акцийышке  кажне еҥ ушнен кертеш! Акцийын тӱҥ шонымашыже: кӱлешан книгам кевытыште налын, але мӧҥгыштӧ аралалтше сай, но оккӱл книга-влакым иктаж ялысе школлан, библиотекылан пӧлеклаш. Тидын дене верысе лудмо да шинчымашым пуышо тӧнежлан могай-гынат полыш лиеш. Книга-влак, тӱҥ шотышто, марла але марий да моло финн-угор калык-влак нерген кӱлыт, историй, научно-популярный ден художественный литературат сай. 
«Книга — яллан» поро кумылым ончыктышо акций икымше гана 2013 ийыште шошым эртаралте. Тидлан тӱҥалтышым «ВийАр» тӱвыра да келшымаш кыл ушем пыштыш. Шуко книгам поген Пошкырт кундемыш колтымо. Кодшо ийын «Кидшер» интернет-журналын йодмыжо почеш, «ВийАр» тӱвыра да келшымаш кыл ушем  тиде акцийлан у шӱлышым пуэныт.
Ты гана акций эртарыме годым чылажге кок тӱжем утла книга ден журналым погымо. Нине книга ден журнал-влакым Татарстан, Одо, Пошкырт кундемлашке колтымо. Акцийышке уло кумлын Марий Элысе мер-политик газет «Марий Эл» — тӱҥ редактор: А. С. Абдуловлан, йоча-влаклан пӧлеклалтше «Ямде лий» газет – тӱҥ редактор Л. В. Семёновалан, амалкалче Сергей Карпов да Валерий Очеевлан пеш кугу таум ойлена.
А акцийна умбакыжат шуйна. Тиде поро пашашке теат надырдам пыштен кертыда! Книга-влакым «Мер каҥашын» пӧлемышкыжӧ конден кертыда. «Мер каҥашын» пӧлемже Гагарин урем, 8 № пӧрт 211 кабинетыште верланен. Йодыш-влакым тыглай телефон-влак дене рашемден кертыда: 8-987-720-10-14 (Алёна), 8-927-887-85-62 (Николай).  Акций «КонтактЫште». Ончаш »

«Кидшер» интернет-журналын тӱҥ редакторжо
Николай Любимов ямдылен.

Реклама

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s