«Пасукапка» акций

Пытартыш жапыште марий мер ушем-влакын погынымашлаштышт «Пасукапка» акцийым эртараш тÿҥалме нерген кутырен келшыме. Тиде акцийыш ушнаш тачысе кечылан Регион-влак кокласе «Марий ушем», Валентин Колумб лÿмеш рÿдер-тоштер (шымлыме да радамлыме шот дене), «ВийАр» тÿвыра кыл ушем, «У вий» да молат ушнаш кöненыт.

Акцийын задачыже моткочак проста да тыглай: кажне ял мучашеш але изуремеш пасукапкам шогалташ. Тидлан ял калыкын вийже сита гын, тугеже ял эше лунчырген шуктен огыл. Тудо эше илаш да шÿлаш тÿҥалеш. Ялысе калык эше шке вийжылан ÿшана, ончыкшат пÿрымашыжым шуяш шона. Тудын эше куатше уло.

Весыжат мыланна раш: пасукапка тачысе кечылан келшыше, сöрал да шке символикан лийыт гын, тунам эшеат сайрак ыле.

Темлена пасукапка нерген икмыняр темлымашым да мер сотына-влак мемнан деке ушнат манын ÿшанен кодына. Кызыт икмыняр тезисым темлена.

1. Пасукапка – марий ялын ик эн кÿлешан акрет годсо ужашыже.
2. Пасукапка уло – ялыште оза уло.
3. Пасукапка уло – ялышке осал ок пуро.
4. Пасукапка марий ял-влакым икте-весышт дене ушен, тунамак ойырен шоген.
5. Пасукапка виян да куатан лийын: лектын кайымыж годым кажне еҥлан мом-гынат пелештыктен:
– сомыл дене чодыраш лектын кайы-мыж годым;
– пасу пашаш (шошым, кеҥежым, шыжым);
– иктаж-мом шолышташ але шолып паша дене;
– кужу корныш (пазарыш. олашке, салтакыш, тунемаш, мÿндыр пашаш…)
6. Пасукапка – тиде öрдыж гыч толшо еҥлан чарак лийын, öрдыж еҥ тудым кораҥ каен кертын огыл.
7. «Пасукапка» нерген палыше илалше еҥ-влаклан йодышан серыш:
а) пасукапкам шарнеда мо, да могайрак тудо лийын;
б) тендан ялыште мыняр пасу капка лийын да куштырак нуно верланеныт улмаш;
в) пасу капка нерген ялыште мом да кузерак ойленыт да ойлат;
г) пасукапкан мифологий значенийже, тудын нерген ялыште могай мурым, калыкмутым, палым, ÿшаным каласкаленыт, манеш-манешым колтеныт…

«Марий ушем» вуйлатыше
В.Н. КОЗЛОВ (Лайд Шемйэр)

Реклама

4 thoughts on “«Пасукапка» акций

  1. Рвезе-влак, чынжымак, шоныш сай.
    но тудым эше шыҥдараш кÿлеш илышыш.
    шоналтыза тидын шотышто

  2. Поро! Марий-влак!
    Материал дене келшеда — тиде куандара!
    А вет суртым чоҥышаш чодырам марий айдеме телым. йоҥылыш ом лий гын, январь-февральыште (чатлама-пургыж тылзын) ямдылаш тÿҥалын.
    Вот ялмарий-влак кертме семын тидлан ямдылалтыт (организационно, финансово, духовно…) весе-влакым тарватат гын, чиновник-влакым чыжтырат гын, тунам пашам тÿҥалмылан шотлаш лиеш.
    Но тидын нерген MariUver-ыште кугу материал лиеш ончыкшым.
    Тыгак Марий Элысе газетлаштат.
    Кок-кум вере уже у пасукапка «шогалын». Ятыр вере шогалташ ямдылалтыт.
    Сандене тендамат ÿжына.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s