Тÿҥлтыш мут

Марий самырыктукым слетыш толшо калык Мер-политик рÿдер ончылно, Йошкар-Ола, 10.07.2009 ий10–15 июньышто Марий Элыште Марий самырык-влакын слётышт эрта. Рушлаже тудым «Всероссийский слёт марийской молодежи» манын лÿмдымö. Тиде стсатусшым ты погынымаш мыняррак сула – тидым жап ончыкта.

Моло марий ушемын колтымо делегатше-влак дене пырля «ВийАр» родокыл ушем шке чолгалыкшым ятыр шотышто палдара. Палемден кодена, тиде ушем Валентин Колумб лÿмеш рÿдер-тоштер пелен пашам ышта.

«ВийАр» ушемын ончыл шонымашан да ончылно улмыжо рашак палдырныш: арам огыл слётысо ныл отряд гыч кум отрядшым «ВийАрын» еҥже-влак вуйлатат. Тиде – Татьяна Алыбина (тений МарГУ-м тунем пытарыш, родокыл ушемыште марий-венгр пöлкам вуйлата), Раисия Сунгурова (марий-эстон пöлкан еҥже), Алёна Иванова («ВийАр» родокыл ушемын вуйлатышыже, тыгак марий-финн пöлкам вуйлата). А нылымше отрядым кумдан палыме мурызо Александр Речкинлан вуйлаташ ÿшаныме. Нуным марлаже «лужавуй» маныт.

Эн чотшо «ВийАр» ушем шке чолгалык куатшым слёт почылтмо кечынак лукмо «ВийАр» газетын черетан 6-шо номерже дене öрыктарыш. Тыгай писылыкым иктат вучен огыл – слёт Морко корныш тарванен веле, эрлашын эрденак нунын «ВийАр» газет поктен шуын. Тÿрлö кундем гыч толшо марий самырык-влаклан шкеныштым ужаш моткоч куанле лийын.

Меат черетан 6-шо номерын материалже-влакым Интернет дене кылым кучышо йолташна-влаклан темлена.

Реклама

One thought on “Тÿҥлтыш мут

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s