Марий самырык тукым – ТАЛЕ да ЧОЛГА!

Слетыш толшо марий самырык-влак Мер-политик рÿдер ончылно, 10 июль 2009 ийТеве тыгай ме улына!

Российын Президентше Дмитрий Медведевын увертарымыж почеш 2009 ий элыштына самырык тукымын идалыкше семын эрта. Тений нунын дене кылдалтше тÿрлö йодышым кугыжаныш кÿкшытыштö рашемдат. Кажныже таче умыла: самырык тукым элнан ончыклыкшо.

Слетыш толшо ÿдыр-влакРеспубликыштына 10-шо гыч 15-ше июль марте Марий самырык тукымын слётшо эрта. Тылеч ончыч марий рвезе тукымым пырля ушышо тыге кумдан эртаралтше слёт лийын огыл. Слётыш марий-влакын тÿшкан илыме Пошкырт, Одо, Татарстан республик, Киров, Угарман область, Хант-Мансий, Сургут да моло кундемла гычат ÿдыр-рвезе-влак погыненыт. Слётын тÿҥ шонымашыже – самырык тукымым XXI курымышто тургыжландарыше йодыш-влакым рашемдаш, каҥашаш; нине йодыш-влаклан вашмутым пырля кычалаш. Öрдыж кундемласе да Марий Элысе самырык-влак коклаште кылым пеҥгыдемдаш, келшымаш кÿварым чоҥаш.

Свердловск область делегаций Йошкар-Олаште, 10 июль 2009 ийСлётын программыже моткоч оҥай да тÿрлö шöрынан. Ӱдыр-рвезе-влак икмыняр направлений дене пашам ышташ тÿҥалыт: «Марий йылме да у компьютер технологий йöн», «Марий тÿня: тудын тÿсшö, тÿҥ шонымашыже да илышыш пурталтмыже», «Мер ушем: тудын шочмыжо да паша радамже», «Самырык-влакын пашам у йöн дене виктарыме сомылышт».
Чыландам самырык тукым илыш пöрдемышке ушнаш ÿжына!
В.Колумб лÿмеш рÿдер-тоштер слет калыклан книгашт-влакым ончыкта
Алёна ИВАНОВА,
«ВийАр» ушем вуйлатыше

Реклама

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s