Info-йогын

ВӰДШОР ТЫЛЗЕ

Марий талешке кече24 вÿдшор. «ВийАр» ушемнан еҥже-влак Татарстан республикысе Кна Велыш миен коштыныт. Тушто Марий Талешке кечылан пöлеклалтше пайрем кас эртен. Верысе калыклан кугу концертым ончыктымо. Тыгак марий газет ден журнал-влакым шарыме. «ВийАр» ушем «КнаВел» газетын икымше номержым лукташ полшен.

26 вÿдшор – Марий Талешке кече. Эр эрдене ушемнан еҥже-влак репрессийыш логалше-влакым уштеныт. Нунын лÿмеш шогалтыме чапкÿ воктене сортам чÿктеныт, пеледыш аршашым пыштеныт.

«Мый марла ойлем» акций26 вÿдшор. Икымше гана республикнан рÿдö олаштыже «Мый марла ойлем» акций эртен. Тудын тÿҥ шонымашыже: самырык тукым кö улмыштым да могай йылме дене кутырымыштым ынышт мондо. Тÿҥ сомыл да йодыш-влак «ВийАр» ушем гоч шукталтыныт.

Алена Иванова ден Эвика Козлова25—26 вÿдшор. Санкт-Петербург олаште «Финн-угор калык-влакын сылнымут да савыктыш паша» лÿман семинар эртен. Тушто мемнан вуйлатышына Алена Иванова ден Санкт-Петербург гыч «ВийАр»-ын еҥже Эвика Козлова лийыныт.

АГА ТЫЛЗЕ

IFUSCO Петрозаводскышто 14–18 ага. Карелийын рÿдö олаштыже, Петрозаводскышто «IFUSCO» («Финн–угор студент-влакын Тÿнямбал конференцийышт») эртен. Мемнан ушемнан еҥже-влакат шке шымлымаш пашашт дене палдареныт.

21 ага. Татар тÿвыра рÿдерыште «Келшымаш кÿвар» вашлиймаш эртен.

31 ага. Йошкар-Ола воктенысе Тумер отышто Агавайрем кумалтыш лийын. Пÿртÿсыш лекше калык ош вургемым чиен, волгыдо кумыл дене миен, чесым конден, Юмылан пелештен. «У вий» да «ВийАр» ушемын ÿдыр-рвезышт шукын лийыныт.

ПЕЛЕДЫШ ТЫЛЗЕ

13 пеледыш. Татарстан кундемысе Кна велыште «Марий кас» пайрем эртаралтын. Тиде «Пеледыш пайрем» але ял пайремлан келшен толеш. Пайремым «ВийАр» ушемын ик эн чолга еҥже Сергей Карпов вÿден, касым сöрастараш Роза Искакова, Любовь Купсольцева да Александр Иванов полшеныт.

27 пеледыш. Морко районысо Волаксола школ ото воктене черетан XX-шо Колумб лудмаш поэзий пайрем да лудмо таҥасымаш эртен. Тушто Валентин Колумбын 75 ияш лÿмгечыжым ЮНЕСКО кÿкшытыштö эртарыме шотышто ÿжмашымашым пеҥгыдемдаш 150 наре еҥ кидпалым пыштен. Подписьым «ВийАрын» да рÿдер-тоштерын еҥже-влак погеныт.

СӰРЕМ ТЫЛЗЕ

10–15 сÿрем. Морко районысо Октябрьский поселкышто марий самырык тукымын икымше слетышт эрта.

СОРЛА ТЫЛЗЕ

14–15 сорла. Карел кундемын рÿдö олаштыже, Петрозаводскышто, финн-угор калык-влакын самырыктукым тÿнямбал ассоциацийын заседанийже (МАФУН) эртаралтеш. Марий Эл гыч шым еҥан делегаций кая. МАФУН-ышто тачысе кечын тургыжландарыше йодыш-влакым «Югорно» бард-клубын, «Марий ушем» да «У вий» ушемын еҥже-влак, «Кугарня» газетын журналистше каҥашаш тÿҥалыт.

Реклама

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s