Финн-угор илыш Будапештыште

Ж. Бержени лÿмеш Будапешт университетын Финн-угор пöлкаштыже чÿчкыдын тÿрлö вашлиймаш, семинар-влак эртат. Шукерте огыл студент-влак «Мордва фольклор» курсыш чумыргеныт. Тудым Швецийын Уппсала оласе университетыште венгр йылмым туныктышо, тыгак мордва фольклорым шымлыше, мордва йылме гыч венгр йылмышке кусарыше Мария Дуганчи эртарен. Тудо кажне ийын кок-кум арнялан Будапешт университетышке лекцийым лудаш толеш.

Венгр шанче Академий пелен Венгрийысе, Эстонийысе, Финляндийысе да Австрийысе финн-угор пöлкалаште тунемше-влаклан типологий ден кылдалтше виртуальный семинарат моткоч оҥайын эртен.
Ага тылзын Писатель ушем пöртыштö манси поэтесса Светлана Динисламова дене вашлиймаш лийын. Тений поэтессан венгр йылмышке кусарыме «Витсам» («Вÿдпырче») лÿман почеламут аршашыже савыкталтын.

Каласыман, пытартыш калыкчотлымаш годым 11 432 ен шкежым манси семын возыктен. 1989 ийыште 37% веле манси йылмым шочмо йылмылан шотлен. Финн-угор сылнымутым шымлыше да кусарызе Каталина Надьын мутшо почеш, чылаже кумдан палыме ныл манси писатель да поэт нерген ойлаш лиеш. Нунын кокла гыч коктын веле манси йылме дене возат: Юван Шесталов да Светлана Динисламова. Динисламова тыгак Югра университетыште манси йылме да сылнымут кафедрым вуйлата. Финн-угор писатель-влакын Х Тÿнямбал конгрессышт вашеш ик ойлымашыжым («Кеҥеж жап») курыкмарий йылмышке кусарыме.

6-10 майыште Будапешт да Дебрецен олалаште эстон культур арня эртаралтын. Венгр-влаклан лу наре эстон художественный да документальный фильмым ончыктеныт.

Реклама

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s