Марий Талешке кече

Г.Тайгильдин Полтышын колымыжоМарий калыкна тале да патыр еҥжым пагален да эреак жаплен моштен. Санденак тынар тоштыой – преданий ден легенде-влак – аралалт кодыныт. Калыкна нунын лӱмыштым тукым гыч тукымыш увертарен, переген толын.

1917 ий, 19 мартыште Ӱпӧ (Уфа) олаште «Марий ушем» шочмеке вигак марий калыкын эртыме корныжым, кугу историйжым шымлыме, патыр-влакым шарныме нерген мут лектын. А 1917 ий июль тылзыште Пӱрӧ (Бирск) олаште эртыше Пӱтынь Российысе Марий калыкын I Погыныштыжо марий-влак тыгаяк кумылан лийыныт да тиде йодышлан кугу тӱткылыкым ойыреныт.

Тидыже нимо уке гыч шочын кертын огыл. XX курым тӱҥалтыште марий серызе-влакын возымыштым ончалына гынат, тиде шӱлышак шижалтеш. Мутлан, классикна Сергей Чавайн «Патыр-шамыч» (1908), «Марий калыкын эртыш-илышыже» (1908); Н.С. Мухин; Тихон Ефремов (Унжинский) «Кок Онар» (1912), «Тотара» (1914) да моло-влакат марий патыр-талешке-влак нерген ятыр произведенийым возеныт.

А патыр-влакым шарныме кечым 1991 ий шошым эртарыме. Тунамак пайремлан «Марий Талешке кече» лӱмым пуымо. Тиддеч вара тений 19-ше гана тыгай пайрем лиеш. Эртаралтыт нуно тӱрлӧ кӱкшытыштӧ, эсогыл Финляндий дене Эстонийыштат шке верыштым муыныт.

Мутлан, тений Эстонийыш Свердловск область гыч 10 еҥан фольклор ансамбль кая.

Тений Мер Каҥаш да регион-влак кокласе «Марий ушем» мер организацият кумда программым ямдыленыт. Валентин Колумб лӱмеш рӱдер-тоштер ты пайремым савыктыме у книга дене вашлиеш. Тудо «Марий талешке-влак – Марийские национальные герои» маналтеш. Книга Онар, Чумбылат, Чоткар деч тӱҥалын, Мамич Бердей да Акпарс марте палдара.

А «ВийАр» тӱвыра кыл самырык ушем теве мо шотышто шке надыржым пышта:

26 апрель. Эр-эрденак ӱдыр-рвезе-влак Репрессийыш логалше-влаклан шогалтыме шарнымаш кӱ воктек миен, нунын лӱмеш сортам чӱктен, пеледыш аршашым пыштат.

«Мый марла ойлем» акцийым «У вий» да моло мер ушем-влак дене пырля эртара. Тудо Йошкар-Оласе ВЛКСМ-ын XXX идалыкше лӱмеш каныме паркыште 11.00 шагатлан почылтеш да 15.30 шагат марте шуйна. Тышке толшо-влакым концерт программе да конкурс-влак вучат. Тыгак марий книга-влак выставке-ужалымаш лиеш.

26 апрель. 14.00 – тиде каныме паркыштак «Шарнымаш пушеҥге» (Древо памяти) воктене Талешкына-влакым шарныме кече эртаралтеш. Ӱдыр-рвезе-влак сортам чӱктат, Талешкына-влакым порын шарналтат, шарнымашым патырлык марий муро дене пеҥгыдемдат, нунылан пӧлеклыме почеламутым йоҥгалтарат.

2009 ий май тылзе гыч 31 октябрь марте «ВийАр» ушем «Марий Талешке» историй ойлымаш таҥасымашым увертара. Пӧлек шотеш – иктаж йотэлышке путевко.

Йодыш-влакым 8–906–095–77–07 да 91–99–65 номеран сототелефон дене рашемдаш лиеш.

Чыладамат мемнан дене пырля лияш ӱжына.

ОРГКОМИТЕТ

Реклама

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s