Ончылмут

14 вӱдшорышто Йошкар-Олаште марий самырык-влакын  «ВийАр» тӱвыра ушемыштын «ВийАр» лӱманак газетышт савыкталт лектын. Тиде ынде 5-ше номер. Вашке, Марий Талешке кече деч вара 6-шо номер савыкталтеш.
Лудшо-влаклан газетнан электрон версийжым темлена. Икымше лышташ «ВийАр» («Мудрость») газетын тӱҥ редакторжо Алена Иванован поро тылан мутшо дене почылтеш.

Поро кече,
пагалыме лудшо таҥ!

Огына шинче, кузе тыйын кидышкет ты газет логалын: ала иктаж-кӧ пуэн, пӧлеклен, шке налынат, туге гынат тый кидыштет «ВийАр» газетнан визымше номержым кучет. Куан шӱлыш чоныштет уло мо? Газет лекмым вученат мо? Но тидыже кызытеш тӱҥ огыл, эн тӱҥжӧ – тудо лектын. Тыят ынде статья-влакым лудат, возымо корнылам шергалат.

Газет паша – неле сомыл, куштылго манаш огеш лий. Оҥай тема-влакым кычалат, лончылет, рашемдет, фото-влакым ямдылет, кӱлешан да шулдыран ой-влакым ойырен налаш тыршет, вуймутым сылным келыштарет, варажым вёрстко, типографий… Икманаш, паша шуко.

Тӱҥалтышыште ала статья-влакнат кӱчымӧ улыт, южыжым эсогыл мучаш марте шуктымо огыл. Кунам пашам ышташ кумыл уло, тунам шонымаш садак шукталтеш да ыштыме сомыл вораҥ кая, тӱвыргӧ саскам пуа. Тек тыгак лиеш. Мемнан газетна – мемнан куанна да ойгына, тудым ямдылыше еҥ-влакын шӱм падырашышт.

Ӱшанен кодына, мемнан тыршымашна арам огеш лий. Лудшо таҥ мемнам умыла, ой-каҥашым пуа, полша. Газет ок келше гынат, торжа мутым огеш каласе, вуйым рӱзалтен, шыргыжалеш, полыш кумылжо помыжалтеш. Тендан кеч-могай ой-шомакда – мыланна куан.

Лийза мемнан дене пырля. «ВийАр» дене иквереш икшырымын ончыко.

Алена ИВАНОВА

Реклама

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s