«Мыйын шочмо-кушмо верже – Оно-Морко-Купсола»

«Уста айдеме илышыш ӱчашен пура… Шкеж деч вара мондалтдыме волгыдым да ӱштылтдымӧ кышам кода. Курымеш…»
В. Колумб

Тиде шулдыран ой тале артист да поэт Йыван Кырлалан келшен толеш. Чынже денак «Путевка в жизнь» икымше йӱкан кинофильмыште тӱҥ геройым Мустафа-Фертым модмыж дене тудо мондалтдыме волгыдым, ӱштылтдымӧ кышам марий калыкын исто-рийыштыже веле огыл, тыгак тӱнямбал киноискусствышто коден.

Март тылзын тудын 100 ияш лӱмгечыжлан шагал огыл пайрем кас, погынымаш, вашлиймаш эртен.

16 мартыште Марий краевед клуб, С.Г.Чавайн лӱмеш библиотека да «ВийАр» самырык ушем Йыван Кырлан 100 ияш лӱмгечыжлан пӧлеклалтше касым эртарен колтеныт. Тиде погынымашыште поэт да артистын илышыж да творчествыж нерген библиотека пашаеҥ-влак дискым ямдыленыт, книгагудын фондыштыжо улшо Йыван Кырла нерген материал дене краеведений пӧлка пашаеҥ Света Горинова палдарен. Юрий Соловьев «Легендыш тошкалше Кырла» лӱман книгажын презентацийжым эртарен. Филологий наука доктор, профессор Николай Исанбаевич Исанбаев «Путевка в жизнь» лӱман икымше йӱкан кинофильмыште Мустафан рольжым угыч йӱкаҥдымыж нерген пеш оҥайын кала-скален. Профессор Иван Семенович Иванов Йыван Кырлан илыш-корныж дене палдарен. Оҥай фактымат колаш логалын: Челябинск трактор заводым ыштымаште Кырлан надыр-жат уло, молан манаш гын кинофильмым ончыктымо гыч пурышо окса тиде завод чоҥаш каен.

Мероприятий мучаште кумылан-влаклан «Путевка в жизнь» фильмым ончыктеныт.

26 мартыште Марий кугыжаныш университет республик кӱкшытыштӧ пайрем касым «Г» корпусын актовый залыштыже эртарыш. Чонеш логалше муро денат, тавалташ таратыше куштымаш дене, почеламут таҥасымаш денат касым сӧрастареныт. Эсогыл курыкмарла мыскарам Ирина Микрякова йоҥгалтарен. Тылеч посна Финн-угор институт кӧргыштӧ сочинений конкурсым увертарыме ыле.

Алевтина ПОТЕХИНА

Реклама

One thought on “«Мыйын шочмо-кушмо верже – Оно-Морко-Купсола»

  1. Кунам шергем эртыше илышем эртак ушештарем тиде первый ( «и к ы мш е» мутым компютер огеш возо — ом умло) шке илыштем öрмашым — первое мое потрясение в жизни. Олашке миенам, кинотеатрышке пуренам и ончем кином «Путевка в жизнь». Титр каяш тÿҥале и муро….ОЙ ЛУЙ МОДЕШ, ЛУЙ МОДЕШ. Тунамсек марий кумылем кузен кайыш, уло калык нерген ойлен ом керт, но АВАМ марий эргыж дене кугешна ыле. Тунам мый осознал, что мый марий улам.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s