Весела футбол

Футбол. Келшымаш сеҥенЙӱла почеш кажне тылзын ура чонан марий-влак коклаште «ВийАр» самырык ушем футбол дене модмашым эртара.

Пытартыш гана матч утларак веселан эртыш. Тудо 1 апрельлан, Воштылмо кечылан, пӧлеклалтын ыле. Сандене матчын правилжымат оҥайын чоҥымо. Чын каласаш гын, ты гана правил деч посна модаш лийын: модшо-влак ваш-ваш шӱкен але мечым кидыш налын кертыныт. Но тыгай кугу «привилегий» лийын гынат, модшо-влак тудын дене шагалже годым пайдаланеныт.

Весела матч «Марий Эл ТВ-н» уста корреспондентше ден «ВийАр» ушемын чолга еҥже-влак коклаште эртаралтын. Нуным ночко шошо игечат чарен огыл. Икымше таймыште «Чоткар вий» лӱман команде ончылно лийын гын, матчын кокымшо пелыштыже «Талви» команде вийым шижын. Тыге матч 3:3 счет дене иктешлалтын.

Ик тылзе ончыч тыгяк футбол модмаш эртен. Тушко 14 номеран гимназийыште тунемше-влак, «Марий Эл радио», «У вий» да «ВийАр» ушем-влак шке командыштым погеныт ыле.

Лишыл футбол модмаш кунам лийшашым «ВийАрын» электронный лаштыкыштыже муын кертыда.

Инна ВАСИЛЬЕВА,
футбол обозреватель

Реклама

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s