Ӱярня йор-йор

yjarnja1Ӱярня йор-йор. Йылме йыр-йырдара. Теле пагыт йомак тӱням шарныкта. Ошын, чинчын-вунчын пӱртӱсшӧ волгалтеш. Кунам гын теле тале поранымат тарвата, пургыж тылзе нерген палдара. Теве тений Ӱярням 23 февраль гыч 1 март марте пайремлаш тӱҥалыт. Сандене кечыжат канде кава гыч шыратен ончалеш, пайрем лишеммым шижтара.

Марий-влак моло калык семынак шошо толмым шкешотан Ӱярня пайрем дене вашлийыныт. Шукерте ожно шочшо пайремын тӱҥ шонымашыже – телым вашкерак ужатен колташ, шошым веселан вашлияш.

yjarnja2Ӱярня пайремым пеш веселан эртарат. Тыгодым оҥгыр йӱк дене пуйто тавалтен шогышо, тӱрлӧ тасма дене сӧрастарыме имне эн тӱҥлан шотлалтеш. Калык мотор марий вургемым чиен, терышке шинчын, лыжга марий мурым йоҥгалтара. Тыге кажнын чонышкыжо пайрем шӱлыш пура.

Ӱярня годым марий-влак мунчалташ йолгурыкым ыштеныт. Мужырын-мужырын, кид кучен шогалын мунчалтеныт. Южгунамже таҥасеныт: кудо мужыржо сайын, вара деч кораҥде мунчалта.

Озавате-влак Ӱярнялан мелнам лыҥак кӱэштыныт, вара ушкалӱй дене шӱрен, ӱмбала-ӱмбала оптен шынденыт. Уна-влакым шунен пукшеныт. Тыгак ӱячам, эгерчым, перемечым, тӱрлӧ кӧрган когыльым, ӱян туарам, шоҥешталтше пурам пайрем ӱстелыш ситареныт.

Пайрем арняште шоҥгыеҥ-влак игечым тӱткын эскереныт, пӱртӱс ончыклык кеҥеж могай лийме нерген раш каласен.

yjarnja3А Ӱярня арнян пытартыш кечынже, курык йымалне кодшо куштырам поген, олым кылтам ӱмбакыже шогалтен йӱлалтеныт. Ӱдыр-рвезе-влак, «Ӱярня каен! Вес ийлан адак тол!» манын кычкырен, тулото ӱмбач тӧрштылыныт. Пеҥгыде койыш-шоктышан коча-кована-влак тошто йӱлам арален, «Ӱярня йор-йор, йылме йыр-йыр, мелна чыж-чыж» манын ойленыт да моштымышт семын ты пайремым марла пайремленыт, муреныт, куштеныт, «шуршым почкеныт».

А те Ӱярням кузе эртараш шонеда?

Ирина ТАШБУЛАТ

Реклама

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s