Шочмо ял дене вашлиймаш

gajsinaШымше классыште возымо тиде почеламутем кажне гана вӱргечын але кугарнян ушышкем возеш. Вет тиде кечын, ныл шагатеш, Йошкар-Ола – Уфа автобус изи элышкем кудалеш…

Арам огыл дыр калык ойла: «Кеч-могай кайыкат шочмо верже гыч мӱндыркӧ чоҥешта гынат, садак шке пыжашышкыже пӧртылеш». Чын огыл мо, лудшо таҥем? Теве мый кокымшо ий Марий кугыжаныш университетыште шинчымашым погем, но садак але мӧҥгӧ кайымем шуэш, йолташем-влак дене вашлияш, авамын оҥышкыжо пызнаш… Южо студент йолташем, тушто мом ыштет, манеш. Мый гын тыгай койышым омак умыло да умылымемат огеш шу, вет Мишкан районышто верланыше Тымбай ялемак эн лишыл, эн мотор, эн йӧратыме.

Шкем нерген мом каласен кертам… 19 ий – тиде пагыт. Кочо шинчавӱдлан, коклан яндар куанлан поян илыш дене икте-весынам шинчаваш ончена. Кӱчык илыш корныштем шукыжат лийын: коклан илыш тупшо дене савырнен шогалын, южгунам воштыл-воштыл мый денем олыкышко модаш лектын да трук, «шукыжак ит куане» маншыла, юарлен мый дечем куржын. 11 ий Тымбай кыдалаш школышто тунемынам. Журналистлан тунемаш кумылем шымше классыштак шочын, молан манаш гын, марий йылме деке шӱмем поснак шупшын, мелын лийын.

Тиде пӧлкашке тунемаш пурымемлан нимынярат ом ӧкынӧ. Шуко еҥ кӱкшӧ образованийым налаш тырша, вет эрыкан лияш манын, ме шкенан илышнам шке чоҥышаш, пашам тыршен ыштышаш улына.

Шуко еҥ «шке пӱрымаш деч от курж» манеш. Ик шотшо дене келшем. Ковамат ойла: «Шочмо годым саҥгаште мо возалтын – тудым ужат». Вес могыр гыч тыгерак шонем: пӱрымашым вашталташ ок лий, но садак тудын корныжым шонымо велыш савыраш айдемын вийже уло.

Чыла мемнан кидыште: тачысе, эрласе кечына, куанна, шонымашна, пӱтынь илышна!

Альбина ГАЙСИНА

Шочмо ял дене вашлиймаш

Ола гыч билетым мый налын,
Автобусыш шинчым шыпак.
Каем мый, каем куаналын,
Шке шочмо кундемыш адак.

Чонем чоҥешта киса семын.
Чонем чоҥешта изи элыш.
А шӱмемже кузе вургыжеш.
Тымбай ялышкак мыйым ӱжеш.

Мый ом пале:
Молан гын йолем куржеш тиде ялыш?
Молан вара чонжо эре сагына.
А шӱмжӧ?
Мо верчын гын тудо
шупшеш тиде суртыш?
Кӧ гын мылам вашешта?

Ужам Тымбай ялын пасужым.
Сылнын кушшо шурно пырчыжат.
Ужам курык ден ший памашым.
Шолын лекше яндар вӱдшымат.

Чу, но мо тыгае?
Коеш шинчамлан вудакаҥын.
Пуйто йӱржӧ йӱреш талышналын.
А шӱргышкӧ икте да весе
Йӱрвӱд семын йога шинчавӱд.

Шовычым налам кидышкем мый.
Еҥ деч шинчавӱдым шылтен.
Уке! Ом вожыл, ом лӱд мый нигӧ деч.
Тек шинчавӱд куан дене лектеш.

Уке! Ойгыраш мыланем нимолан.
Таче мыйын куан.
Шинчавӱд ден куан ваш ушненыт.
Шочмо ялышке мый толынам.

Чын! Кайык огеш код илаш
шокшо элышке.
Рвезе ок керт шӱмбел дечын посна.
Мыйже ом иле ялем деч тораште.
Кузе шудо йӱр деч посна.

Йӧратем, пагалем мый тыйым.
Шочмо Тымбай ялем!
Курымешлан лият ушыштем тый,
Пошкырт кундемем!

Реклама

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s