Самырык тукым – элнан ончыклыкшо

Российын Президентше Д.А. Медведевын палемдымыж почеш, 2009 ий Самырык тукымын идалыкше семын эрта. Ӱшанен кодына, тиде ий лектышан, ӱшаным сулышо лиеш. Самырык ӱдыр-рвезе-влакын шонымашышт шукталтеш, паша лектышат сай саскам пуа. Кӧ шкет улеш гын, шке пиалжым вашлиеш, пеҥгыде эҥертыш лийже. Йӧратымашын пеледышыжат тенийсе дечат шуко лиеш.

Вик каласаш гын, пытартыш жапыште самырык-влаклан кугу тӱткышым ойыраш тӱҥалме. Сандене пашам эшеат чолган ышташ чыла амал уло. Кузерак тудо эрташ тӱҥалеш, могай вашталтыш-влак лийыт? Кугыжаныш могырым могай полыш лиеш? Самырык-влак тиде идалык деч мом вучат? Лектыш могайрак лиеш?

Самырык тукымын идалыкше республикнам вияҥдаш, ончыко ӱшанлын ошкылаш корным ямдылаш полшышаш. Вет нунын политикыштым кугыжаныш гына огеш ыште, тышке тӱрлӧ толкын, мер ушем да нунын лидерышт ушнышаш улыт.

Самырык-влаклан мер пашаште гына огыл, экономикыште, политикыште, социальный сферыште кугу ошкылым ышташышт моткоч сай йӧн лекшаш. Тидланже вий-куат, мастарлык да усталык гына ситыже.

Ӱдыр-рвезе-влак чолга лийза, нимо дечын ида лӱд, нигӧ дечын ида вожыл. Шинчымаш погыдам пойдарыза. Мер пашаштат шкендам ончыкташ тыршыза. Кеч рвезе пагытыште шукынжо тидым огына умыло, илен-толын пален налына. Жап эртымеке гына чыла верышкыже шинчеш, радамлалтеш. Чолгалык да лӱддымылык, писылык кызытсе саманыште тачат, эрлат да ончыкылык кумда илышыштат моткоч кӱлешан. Эреак шолын илыман, уым кычалман. Кӧргӧ шӱм-чон поянлык дене гына серлагаш огеш кӱл, тунемат – сеҥет.

Самырык пагыт вий-куатлан, чон яндарлыклан, поро да волгыдо кумыллан поян. Кап-кыл мучко вӱр модмо годым илышыжат куштылгын чучеш, тӱрлӧ шонымаш вуйышто пӧрдеш, кеч-могай сомылат вораҥ кая, лектышат шижалтеш, кумылым вӱчка. Лач ты пагытыште айдемын талантше почылтеш, мас-тарлыкше шуаралтеш, иктаж-мом уым шонен муаш, ышташ, шочыкташ кумылжо, моштымашыже рашемеш. Тудо чын корно дене виктаралтше.

Ты идалык самырык тукымлан пӧлеклалтын гын. Шкендам ончыкташ тыршыза. Ончыкылык илышда тендан кидыште. Ваш-ваш умылымаш, икте-весым пагалымаш таптыме корныштыда сай эҥертыш лийын кодеш.

Реклама

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s