28 февральыште Kalevalan päivä – Калевалан кечыже

Финляндийыште 28 февральыште Kalevalan päivä – Калевалан кечыже – палемдалтеш. «Калевала» – тиде финн-карел калык ойпого.

Ты пайремын эртыме корныжо тыгай: XIX курым тӱҥалтыште Элиас Леннрот Карелий ден Финляндийысе Саво кундемыште калык муро, легенде ден преданий-влакым поген. Погымо пашажым иктыш чумырен, ешарен, эпосым возен.

Эпос икмыняр сюжет гыч шога да финн талешке-влакын чолгалыкышт да лӱддымылыкышт нерген каласкала. Нуно моло калыкын патырже-влак семынак икте-весышт дене келшеныт, ваш-ваш полшен иленыт, тушман ваштареш лӱддымын кредалыныт, ӱдырым налын, ешым чумыреныт. «Калевалан» тӱҥ геройжо-влак ойыртемалтше, южгунамже умылаш лийдыме койыш-шоктышан улыт. Тидыжым тыгеат умылтарыман, очыни: финн патыр-влак шукын лийыныт, но Элиас Леннрот шке произведенийышкыже икмынярыштым веле пуртен. Тыгодым кажныжын койыш-шоктышыжым ончыкташ тыршен.

«Калевала» икымше гына 1835 ийыште савыкталтеш. А 1849 ийыште автор тудым уэмден луктеш. Тиде чапле произведений варажым финн искусствым ыштыше ятыр еҥлан паша вийым пуэн. Нунын коклаште композитор Ян Сибелиус, сӱретче Аксель Галлен-Каллела, скульптор Эмиль Викстрем да молат лийыныт.

Марий йылмыш «Калевалам» Семён Николаев кусарен. 1997 ийыште тиде финн эпос почеш М.Шкетан лӱмеш Марий кугыжаныш театрыште спектакльым ончыктеныт. Тудым режиссёр Пааво Лиски шынден. Спектакль кугу кӱкшыт дене чыла гаяк финн-угор кундемыште ончыкталтын. Но эн кугу пагалымашым Марий театрыште шындыме постановко сулен налын.

Реклама

One thought on “28 февральыште Kalevalan päivä – Калевалан кечыже

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s