14 февраль — Йолташ кече

s6brapaev14 февральым мемнан дене чылан «Йӧртымаш» кече манын палат. Тиде кечын чылан ваш шӱмыштым пӧлеклат да чоныштым почын лишыл еҥыштлан ныжыл мутым ойлат.

А Эстонийыште да Финляндийыште 14 февраль йолташ-влаклан пӧлеклалтын. Ты кечын икте-весыштлан пӧлекым ыштылыт, сылне открытке-влакым кучыктат. Йолташ-влак тӱшкан погынен иктаж пайремым, митингым эртарат, келшымаш кылым йомдараш огыл манын, мутым пуат.

Мыйын шонымаште, тиде кечым мемнан денат пайремлаш тӱҥалаш уто огыл ыле. «ВийАр» ушемна саде пайремым шке радамышкыже пуртен. Ончыкыжым тиде кечым ончыл верыш шындаш кӱлешанлан шотлена. Вет чылажат келшымаште улеш. Келшымаш кӱлеш. Тек мемнан йолташна-влак шукемыт, шарлат. Тек ме, родо калык, икте-весынам огына мондо, йолташ семын келшен, полшен илаш тӱҥалына. Тек тиде кылым нигӧ да нимо огеш керт шалатен. Но тыгодым мондыман огыл – могайрак вара лийшаш чын йолташ.

ЧЫН ЙОЛТАШ МОГАЙ?

Мылам Микале йӱктыш мӱй ден чайым,
Вара манеш: «Паша икте улеш:
Палет тыгай Кузьман Вӧдыр кочайым,
Пакча печет гыч садше сай коеш?»

– Палем, палем! Кузе палашыже огыл?
Мочол сӧрал саскам ончен кушта…
– Ала иктаж-мыняр олмажым кӱрлын
Кондет ыле йолташ семын, – кӱшта.

Йолташлан порым ыштемат, вараже
Осал кочалан огыл мо лиеш?
Да шонышемын совесть вӱдвараже
Рӱзалт вачемлан нелын чот чучеш.

Чын йолташ могай, ачай, каласе?
Чурий ден тудым, кап ден ойырат?
Я кидыштышт эре кампет, калаче…
Тамлал манын, тылат эре темлат?

– Чын йолташ ик ырымат ок аре,
Ок йод, ок нал, а шке эре темла.
Ош тувырет тоштемже, лийже саре,
Уш чон поянлык ден могай улмет акла.

Йолташын чонжым модын ит коштаре,
Ит нуш шоят ден пуйто умдыла.
Кеч туш коймеш йылме рӱдет пужаре,
Мо лиймым тудо вигак умыла.

Вет чын йолташ кылдалтыт шӱм-кыл дене,
Посна яман, таман юж ден шӱлат.
Полшаш вашкат чон ден кастен, эрдене,
Тӧр корныштет осалым тӱкылат.

Реклама

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s