Илыш шер (увер)

Шочмо йылме – тӱнямбал кӱкшытыштӧ

21 февральыште элнан рӱдӧ олаштыже, Москваште, Финн-угор калык-влак ушем Тӱнямбал шочмо йылме кечылан пӧлеклалтше вашлиймашым эртарен. Погынымашыште родо-тукым калык тӱшкашке пурышо йылме-влак вияҥмым, нунын кӱлешлыкыштым да тунемме йодыш-влакым рашемдыме.
***

Эше ик землячество чумырген

Шукерте огыл Волжский районышто шочын-кушшо да республикынан тӱрлӧ лукыштыжо илыше да пашам ыштыше марий-влак землячествыш чумыргеныт. Шке погынымаштышт нуно активым сайленыт, шуктышаш паша радамым палемденыт. Землячествым вуйлаташ мер пашаеҥ Алексей Антонович Андреевлан ӱшаненыт.
***

2009 ий – Йыван Кырлан идалыкше

Марий кундемыштына 2009 ий Йыван Кырлан идалыкше семын эрта. 14 мартыште кумдан палыме киноартист, поэтын 100 ияш лӱмгечыжлан пӧлеклалтше пайрем кас Санкт-Петербург олаштат эрташ тӱҥалеш. Марий Эл гыч тушко делегат-влак каят.
***

Шочмо йылме кече

Эстонийыште 14 мартыште Emakeelepaev («Авайылме кече») – Шочмо йылме кече палемдалтеш. Эстон йылме финн-угор йылме тӱшкашке пура. Ты калыкын шочмо йылме дене кутырымо чотышт ик эн изилан шотлалтеш, 1,1 млн. еҥ, тышечын 950 тӱжемже Эстонийыште ила.
Йылмыште кум диалект уло. Эстон возыктыш латин алфавит негызеш ышталтын, 32 буква гыч шога. Тӱҥ правилже: шомак кузе возымо, тугак лудалтеш. Грамматике шотышто палемден кодыман: эстон йылмыште 14 падеж уло, род уке.
***

Финн-угор эсперанто ямдылалтеш

Одо кугыжаныш университетын туныктышыжо до одо пен-клубын чолга активистше Алексей Арзамазов финн-угор эсперантолан пӧлеклалтше учебникым савыкташ ямдылалтеш. Кеҥежым тудо Одо кундемыште йылме курсым эртараш шона.
Уверым Интернет гыч налме (uralistika.ning.com)
***

Реклама

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s