Тачанан кечыже – студент-влакын пайремышт

Тачанан кечыже – студент-влакын пайремышт гын, шукынжо палат, очыни, тиде пайремым 254 ий ондак пайремлаш тӱҥалме. Лач 1755 ий 25 январьыште императрица Елизавета Петровна Москосо университетым да кок гимназийым почмо нерген указеш шке кид палыжым пыштен. Тидым ышташ тудлан граф Иван Иванович Шувалов ойым пуэн. Тыге граф шке аважлан, Татьяна Ростиславовналан, лӱмгечыже вашеш шкешотан пӧлекым ыштен. Тылеч вара Шнуй Тачана кечым студент кече семынат пайремлаш тӱҥалыныт.

Студент-влакын пайремышт шке йӱлажым нумалеш. Вет студент илыш – мондалтдыме пагыт. Весела койыш-шоктышан, писе уш акылан, спорт дене кылым кучышо, муралтен-кушталташ йӧратыше, кумыл нӧлтышӧ – лач тыгай лийшаш студент. Тудо моло деч эреак ончыл радамыште улмыжо, уым пален налаш тыршымыже дене ойыртемалтеш.

Ӱдыр-рвезе-влак, студент лӱмдам кӱшнӧ кучыза. Ида ӧркане, ида вожыл, лӱддымо лийза, шуко палаш тыршыза, кугурак-влакын ой-шомакыштым эреак шотыш налза, нунын могырым шкешотан тӱрлӧ темлымаш лиеш гын, шкендам эреак тергыза, сайын тунемза. Тунеммаште вий! Пайрем дене тендам!

Ме Шнуй Тачана нерген Рим историйымат сайын палена. Илен улмаш ачаже дене пырля тыглай Тачана лӱман ӱдыр. Марлан каяш тудо шонен огыл, ойыртемалтше койыш-шоктышан лийын. Тачана юзо улмаш. Лий

н ю мутшо почеш оласе ик кумдыкышто моло юмо-влакын статуйышт кум гана сӱмыралтын. Тачанан христианка улмыжым пален налмеке, еҥ-влак ӱшанже деч кораҥаш кӱштеныт. Садланак самырык ӱдырым чот индырен, орландарен пуштыныт. Тудо моткоч виян, тале шӱлышан улмаш.

Калыкыште Тачанан кечыже дене кылдалтше пале-влакат улыт. Тиде кечын кава ояр, кече шыратен онча гын, шокшо вер гыч кайык-влак вашке толаш тӱҥалыт, тыгак шурно лектышат сай лийшаш. Игече йӱштӧ шога – кеҥежым шокшым вучо. Тиде кечын лум лумеш – кеҥеж йӱран лиеш.

Таня, Татьяна, Тачана… Могай сӧрал, мотор ӱдыр лӱм. Эн ожно ты шомак «ыштыме», «организоватлыме» мутым ончыктен. Айдеме кеч-могай лӱмым нумалеш гынат, тудын илышыжым кече ырыкта. А вийже – пӱтынь мландылан илыш. Тачана лӱман-влакат шкеныштым кеч-кушто, кеч-мо деч арален кертыт, ончыл радамыште лияш тыршат. Ласка да тыматле илыш нунынлык огыл, эре ала-мом уым кычалыт, ик верыште огыт шого, кеч-могай пашамат кыртмен шуктат.

Айдемын лӱмжӧ илыш корныштыжо, пӱрымашыштыже шке палыжым кода маныт. Лач тыгай койыш-шоктышан, уста улеш, мемнан «ВийАр» ушемыштынат Марий кугыжаныш университетын студенткыже

Ольга САВИНОВА

Реклама

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s