Пушеҥге укшыж дене виян

evika_izi«ВийАр» ушемын еҥже-влак Марий Элыште веле огыл, тӱрлӧ кундемлаште – Пошкырт, Татарстан, Угарман, Одо – лийын кертыт. Таче кечылан тыгай сотым Россиын Йӱдвел-Касвел ужашыштыже почмо. Тудым Санкт-Петербургысо театр исскуство кугыжаныш академийын студенткыже Эвика Козлова вуйлата. Мутым Эвикалан пуэна.

– Изиэм годсек марий лияш туныктеныт. Да тиде арам огыл. Ӧкынымаш нимыняр уке. Йошкар-Олаште шочынам, марла мутланем, марий еҥ семынак марла возен моштем да кертам. Кок ий Марий кугыжаныш университетыште историклан тунеммеке, чыла кудалтышым да Питерыш – театр академийыш театроведлан тунемаш пураш кудальым. Тау Марий самырык театрын художественный вуйлатышыже Олег Геннадьевич Иркабаевлан. Тунам шонымашем сайлан шотлыш да чыла шотыштат кумылаҥден, ой-каҥаш дене полшен шогыш. Театр – тиде мыйын тӱням манам гынат, шке ваштарешем ом кай. Тунамак – Питер гай кугу олаште, йот кундемыште куштылгыжак огыл. Чыла шотыштат. Эшеже – театроведлан ты академийыште марий кокла гыч Миклай Рыбаков гына тунем лектын. Пел курым ончыч, 1957 ийыште. А мый тушко 2007 ийыште пуренам. Тидат арамлан огыл, шонем.

«ВийАр» ушемын еҥже семын Питерыште шуктымо икмыняр пашанам палемдынем. Тиде – тӱнялан палыме марий киноартистна Йывын Кырлан шочмыжлан 100 ий темме лӱмгече. Март кыдалне Питерысе «Кино пӧртыштӧ» («Дом кино») «Путевка в жизнь» кином кумдан ончыкташ палемденна. Тушко Санкт-Петербургысо марий-влак гына огыл, тыгак ингерманланд финн, карел, эрзя, мокша, удмурт, коми, татар, еврей да молат погынат. Кумдан ушнат тышке тошто кином йӧратыше петербуржец-влакат. Йыван Кырлан лӱмжӧ дене уло тӱня кугешна. Лач марий улмыж нерген гына шагалынрак палат. Ты пайремыш тыгак Моско гыч палыме кинорежиссер да кином ыштыше-влакым ӱжынна.

Кумданрак ончалаш гын, Питерысе марий-влакын моло калык денат кылышт уло. Да Питер олажат пеш йӧнан верыште верланен. Шонет, кылым кучо финн-влак дене, карел-влак дене, верысе-влак дене (ингерманланд, вепс, ижор). Санденак планыштына ИФУСКО-ат, конкурс да пайрем-влакат палемдалтыныт. Сомылым шукташ да кумылым нӧлташ мемнан академийымак пытарыше, кызыт Питерыште художниклан тыршыше Саша Иванов кугун полша.

Ончыкшым родо-тукым кече-влакым кумдан, финн-угор-влак иктыш ушнен эртарен колтена манын ӱшанем. Эн тӱҥжӧ – Питерыштат марий-влаклан иктыш ушныман. Ола кумда, ме тӱрлӧ улына. Но уло эше – шочмо калыкына да шочмо кундемна.

Фотосӱретым кугемдашлан темдал.

Реклама

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s