Тек ок лий пиалдыме йоча

lulpan29 декабрьыште «ВийАр» ушемын еҥже-влак Медведево районысо Лӱлпан йочапӧртыш миеныт. Тиде поро кумылан келшымаш кыл – ушемнан тӱҥалтыш пашаже.

Тачысе кечылан Марий Эл Республикыштына тулык йоча-влаклан ик учреждений веле уло – тиде Йошкар-Ола деч 30 меҥге тораште верланыше Лӱлпанысе йочапӧрт. Палемден кодыман, тыште илыше йоча-влакын чотышт ий гыч ийыш иземеш. Ик могырым, тиде сай. Ава-ача деч посна кодшо икшыве-влак тичмаш ешыште илаш тӱҥалыт, вес могырым – коктеланымашат лектеш. Вет иктат ок пале, кӧ могай шонымаш дене йоча-влакым ашнаш налеш. Кӧ гын, окса чондайым пойдараш тидым ышташ ямде, весе гын, нунын ойгыштым шижын, ужын моштен, лош пайлен, шке шочмо икшыве семынак ончаш тӱҥалеш.

Кодшо ий мучаште «ВийАр» ушемнан еҥже-влак Лӱлпан йочапӧртыш икшыве-шамычым У ий пайрем дене саламлаш миеныт. Кугу полышым ушемлан Марий кугыжаныш университетын студентше-влак пуэныт. Йоча-влаклан пӧлекым кучыктеныт да шере кочкыш дене сийленыт.

ljulpan2Кум пачашан кӱ полат. Окна гыч тул волгалтеш. Уремыште чатлама йӱштӧ гын, тушто шокшо, волгыдо. Поро кумылан, ача-авам алмаштыше воспитатель-влак да вуйлатыше йочапӧртыштӧ мӧҥгысӧ гаяк обстановкым ышташ тыршат. Теве тӱҥалтыш класслаште тунемше-влаклан пӧлем-влакым пачер семын келыштарыме. Ик секцийыште зал да малмывер. Залыште диван, телевизор, пушкыдо пӱкен-влак, кӱвар ӱмбалне – мамык гай ковер. Окна воктене ӱстел-влакым вераҥдыме. Тыште йоча-влак мӧҥгысӧ пашам ыштат. Шке кидышт дене ыштыме модыш, сӱрет-влак пырдыжым сӧрастарат. Чыла уло, лач кастене «сайын мале» манын шыматен ойлышо ава да йӧратыме ача уке…

Йоча-влак мемнам порын вашлийыч. Нуным чӱчкыдынак студент-влак пайрем дене саламлаш толыт. А теве Йошкар-Оласе 11 номеран школ-гимназий гыч тунемше-влак кажне рушарнян нунын деке унала коштыт, модыш-влакым эртарат.

Сандене, мемнан мийымеке, 5-ше гыч 8-ше класслаште тунемше йоча-влак модышыш иканаште ушнышт. ӧрын, вожылын ышт шого. Лишкырак палыме лиймеке, умылышна – кажне йоча шкешотан да ойыртемалтше. Икте – лидер, шке почешыже молым арвуйла наҥгая, весе шке семынже чылажымат ышта, еҥын шӱдымӧ почеш ок кай, а кумшо лукышто шып эскерен ончен шога. Икте нуным уша – ойго. Пырля воштылыт. юарлат гынат. шинчаончалтышышт ӱшаым йомдарыше куныеҥын гай. Пӱрымаш нуным жап шудегыч «кугемден».

ljulpan3Айдемын илышыштыже эн шерге ава. ача, еш, кушто тыйым йӧратат, вучат, полшат. А тидымат изи чон йомдара гын, кушкын шумекыже могай лиеш? Тыгай йоча-влак дене чон почын кутыраш моткоч йӧсӧ. Кертат гын, ӱмырешлан. Нуно курчак модыш огыл, а шӱман, чонан, тыглаяк айдеме улыт. Сандене тулык йоча-влакым йӧршешлан ешышкыда налаш шонымаш шочеш гын, ик гана пӱчмӧ деч ончыч шым гана висен ончаш кӱлеш, шонем. Сита мо вий, шокшо кумыл да чон куат? Сита гын, мланде марте вуйым савем. Шукырак тыгай еҥ-влак лийыт гын, ала осалжат шке вийжым йомдара ыле?

Айста, лишыл еҥна-влакым аклаш, пагалаш да йӧраташ тунемына. Йырваш пиал озаланыже, чоннам куандарыже.

Алевтина ПОТЕХИНА

Снимкылаште: шарнаш кодшо тат-влак

Реклама

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s